ಕರ್ನಾಟಕ ಮತ್ತು ಗ್ರೂಪ್ ಸಿ ಪ್ರಚಲಿತ ವಿದ್ಯಮಾನಗಳು – 18, ಜುಲೈ 2026

ಪ್ರಶಸ್ತಿಗಳು

72ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳು 2026 

ಇದೀಗ ಸುದ್ದಿಯಲ್ಲಿ:

• 2024 ರಲ್ಲಿ ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ (CBFC) ಯಿಂದ ಪ್ರಮಾಣೀಕರಿಸಲ್ಪಟ್ಟ ಅತ್ಯುತ್ತಮ ಚಲನಚಿತ್ರಗಳನ್ನು ಗೌರವಿಸುವ 72ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳ ವಿಜೇತರನ್ನು ನವದೆಹಲಿಯಲ್ಲಿ ಅಧಿಕೃತವಾಗಿ ಘೋಷಿಸಲಾಗಿದೆ.

ಪ್ರಮುಖ ಅಂಶಗಳು:

• ವ್ಯಾಪ್ತಿ ಮತ್ತು ತೀರ್ಪುಗಾರರ ಸಮಿತಿ: ಜನವರಿ 1 ರಿಂದ ಡಿಸೆಂಬರ್ 31, 2024 ರ ನಡುವೆ ಪ್ರಮಾಣೀಕರಿಸಲ್ಪಟ್ಟ ಭಾರತೀಯ ಚಲನಚಿತ್ರಗಳ ಶ್ರೇಷ್ಠತೆಯನ್ನು ಈ ಪ್ರಶಸ್ತಿ ಗುರುತಿಸುತ್ತದೆ ಮತ್ತು ಇದನ್ನು ಜಯರಾಜ್ ನೇತೃತ್ವದ ಕೇಂದ್ರ ಸಮಿತಿಯು ಮೌಲ್ಯಮಾಪನ ಮಾಡಿದೆ.
• ಪ್ರಮುಖ ಪ್ರಶಸ್ತಿಗಳು: ರಾಜಕೀಯ ಆಧಾರಿತ ಚಲನಚಿತ್ರವಾದ ಆರ್ಟಿಕಲ್ 370 ಚಿತ್ರವು ಅತ್ಯುತ್ತಮ ಚಲನಚಿತ್ರ (Best Feature Film) ಪ್ರಶಸ್ತಿಯನ್ನು ಪಡೆದುಕೊಂಡಿದೆ.
• ಪೂರ್ಣ ಮನರಂಜನೆ : ಅತ್ಯುತ್ತಮ ಜನಪ್ರಿಯ ಮನರಂಜನೆ ಒದಗಿಸಿದ ಚಿತ್ರವಾಗಿ ಸೈನ್ಸ್ ಫಿಕ್ಷನ್ (Sci-fi) ಚಿತ್ರವಾದ ಕಲ್ಕಿ 2898 AD (Kalki 2898 AD) ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದೆ.

ವಿಜ್ಞಾನ ಮತ್ತು ತಂತ್ರಜ್ಞಾನ

M72 TB ಲಸಿಕೆಯ (M72 TB Vaccine) ಉತ್ಪಾದನೆ

• ಪುಣೆ ಮೂಲದ ಸೆರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾ (SII) ಸಂಸ್ಥೆಯು ನೂತನವಾದ M72/AS01E ಕ್ಷಯರೋಗ (TB) ಲಸಿಕೆಯನ್ನು ಉತ್ಪಾದಿಸಲು ಗೇಟ್ಸ್ ಮೆಡಿಕಲ್ ರಿಸರ್ಚ್ ಇನ್‌ಸ್ಟಿಟ್ಯೂಟ್ (Gates MRI) ಜೊತೆಗೆ ಒಪ್ಪಂದ ಮಾಡಿಕೊಂಡಿದೆ.

• ಕಳೆದ 100 ಕ್ಕೂ ಹೆಚ್ಚು ವರ್ಷಗಳಲ್ಲಿ ವಯಸ್ಕರಿಗಾಗಿ ಉತ್ಪಾದನೆಯಾಗುತ್ತಿರುವ ಮೊದಲ ನೂತನ TB ಲಸಿಕೆ ಇದಾಗಿದ್ದು, ಶಿಶು-ಕೇಂದ್ರಿತ BCG ಲಸಿಕೆಗೆ ಒಂದು ನಿರ್ಣಾಯಕ ಪೂರಕ ಲಸಿಕೆಯಾಗಿ ಇದು ಕಾರ್ಯನಿರ್ವಹಿಸಲಿದೆ.

ಕ್ರೀಡೆ

1. ಲಾರ್ಡ್ಸ್ ಮೈದಾನದಲ್ಲಿ ರೋಹಿತ್ ಶರ್ಮಾ ದಾಖಲೆ

ಇದೀಗ ಸುದ್ದಿಯಲ್ಲಿ:

• ಜುಲೈ 19, 2026 ರಂದು ಕ್ರಿಕೆಟ್ ಕಾಶಿ ಲಾರ್ಡ್ಸ್ ಮೈದಾನದಲ್ಲಿ ನಡೆದ ಇಂಗ್ಲೆಂಡ್ ವಿರುದ್ಧದ ನಿರ್ಣಾಯಕ 3ನೇ ಏಕದಿನ ಕ್ರಿಕೆಟ್ ಪಂದ್ಯದಲ್ಲಿ ಭಾರತದ ಅನುಭವಿ ಆರಂಭಿಕ ಆಟಗಾರ ರೋಹಿತ್ ಶರ್ಮಾ ಅವರು 110 ಎಸೆತಗಳಲ್ಲಿ ಭರ್ಜರಿ 138 ರನ್ ಸಿಡಿಸಿದ್ದಾರೆ. 
• ಈ ಮೂಲಕ ಈ ಮೈದಾನದಲ್ಲಿ ಏಕದಿನ ಕ್ರಿಕೆಟನಲ್ಲಿ ಶತಕ ಸಿಡಿಸಿದ ಮೊದಲ ಭಾರತೀಯ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ ಹಾಗೂ ಸಚಿನ್ ತೆಂಡೂಲ್ಕರ್ ಅವರ ಹೆಸರಿನಲ್ಲಿದ್ದ ಹಲವು ದಾಖಲೆಗಳನ್ನು ಮುರಿದಿದ್ದಾರೆ.

ಪ್ರಮುಖ ಅಂಶಗಳು:

• ಕ್ರಿಕೆಟ್ ಕಾಶಿಯಲ್ಲಿ ಮೊದಲಿಗ: 2004 ರಲ್ಲಿ ಸೌರವ್ ಗಂಗೂಲಿ ಗಳಿಸಿದ್ದ 90 ರನ್‌ಗಳ ಹಿಂದಿನ ಅತ್ಯುತ್ತಮ ದಾಖಲೆಯನ್ನು ಹಿಂದಿಕ್ಕುವ ಮೂಲಕ, ಲಾರ್ಡ್ಸ್ ಮೈದಾನದಲ್ಲಿ ಏಕದಿನ ಶತಕ ಸಿಡಿಸಿದ ಮೊದಲ ಭಾರತೀಯ ಬ್ಯಾಟರ್ ಎಂಬ ಇತಿಹಾಸವನ್ನು ರೋಹಿತ್ ಶರ್ಮಾ ನಿರ್ಮಿಸಿದ್ದಾರೆ.
• ಅತಿ ಹಿರಿಯ ಭಾರತೀಯ ಶತಕವೀರ: 39 ವರ್ಷ ಮತ್ತು 80 ದಿನಗಳ ವಯಸ್ಸಿನಲ್ಲಿ, ಅಂತರರಾಷ್ಟ್ರೀಯ ಕ್ರಿಕೆಟ್ ಮತ್ತು ಏಕದಿನ ಮಾದರಿಗಳಲ್ಲಿ ಶತಕ ಸಿಡಿಸಿದ ಅತಿ ಹಿರಿಯ ಭಾರತೀಯ ಎಂಬ ಸಾಧನೆ ಮಾಡಿದ್ದಾರೆ ಹಾಗೂ ಈ ಮೂಲಕ ಸಚಿನ್ ತೆಂಡೂಲ್ಕರ್ ಅವರ (38 ವರ್ಷ, 327 ದಿನ) ದಾಖಲೆಯನ್ನು ಹಿಂದಿಕ್ಕಿದ್ದಾರೆ.
• ಭಾರತದ ಆರಂಭಿಕ ಆಟಗಾರನಾಗಿ ಅತಿ ಹೆಚ್ಚು ಶತಕ: ಆರಂಭಿಕ ಆಟಗಾರನಾಗಿ ತಮ್ಮ 46ನೇ ಅಂತರರಾಷ್ಟ್ರೀಯ ಶತಕವನ್ನು ದಾಖಲಿಸುವ ಮೂಲಕ, ಸಚಿನ್ ತೆಂಡೂಲ್ಕರ್ ಅವರ 45 ಶತಕಗಳ ದಾಖಲೆಯನ್ನು ಮೀರಿ ನಿಂತಿದ್ದಾರೆ (ಜಾಗತಿಕವಾಗಿ ಡೇವಿಡ್ ವಾರ್ನರ್ ಮೊದಲ ಸ್ಥಾನದಲ್ಲಿದ್ದಾರೆ).
• ಪ್ರವಾಸಿ ಬ್ಯಾಟರ್ ಆಗಿ ಅತಿ ಹೆಚ್ಚು ಏಕದಿನ ಶತಕ: ಇಂಗ್ಲೆಂಡ್ ನೆಲದಲ್ಲಿ ತಮ್ಮ 8ನೇ ಏಕದಿನ ಶತಕ ಸಿಡಿಸಿದ ರೋಹಿತ್ ಶರ್ಮಾ, ವಿದೇಶಿ ನೆಲದ ಒಂದೇ ದೇಶದಲ್ಲಿ ಅತಿ ಹೆಚ್ಚು ಏಕದಿನ ಶತಕ ಸಿಡಿಸಿದವರ ಪಟ್ಟಿಯಲ್ಲಿ ಸಚಿನ್ (UAE-7), ಎಬಿ ಡಿ ವಿಲಿಯರ್ಸ್ (ಭಾರತ-7) ಮತ್ತು ಸಯೀದ್ ಅನ್ವರ್ (UAE -7) ಅವರ ದಾಖಲೆಯನ್ನು ಮುರಿದಿದ್ದಾರೆ.
• ಅತಿ ಹೆಚ್ಚು 50+ ರನ್‌ಗಳ ದಾಖಲೆ: ಇಂಗ್ಲೆಂಡ್ ನೆಲದಲ್ಲಿ ಆಡಿದ ಕೇವಲ 30 ಇನ್ನಿಂಗ್ಸ್‌ಗಳಲ್ಲಿ 15ನೇ ಬಾರಿ 50 ಕ್ಕೂ ಹೆಚ್ಚು ರನ್ ಕಲೆಹಾಕಿದ್ದಾರೆ ಹಾಗೂ ಈ ಮೂಲಕ ಇಂಗ್ಲೆಂಡ್‌ನಲ್ಲಿ ಪ್ರವಾಸಿ ಬ್ಯಾಟರ್‌ ಆಗಿ ಅತಿ ಹೆಚ್ಚು ಬಾರಿ 50+ ರನ್ ಗಳಿಸಿದ ವಿರಾಟ್ ಕೊಹ್ಲಿ (14) ಅವರ ದಾಖಲೆಯನ್ನು ಮುರಿದಿದ್ದಾರೆ.
• ವೃತ್ತಿಜೀವನ ಮತ್ತು ನಾಯಕತ್ವದ ಪರಂಪರೆ: ಪ್ರಸ್ತುತ ಏಕದಿನ ಕ್ರಿಕೆಟ್‌ನಲ್ಲಿ ಒಟ್ಟು 34 ಶತಕಗಳನ್ನು ಗಳಿಸಿರುವ ಇವರು, T20 ಮತ್ತು ಟೆಸ್ಟ್ ಕ್ರಿಕೆಟ್‌ನಿಂದ ನಿವೃತ್ತರಾಗುವ ಮುನ್ನ, ಭಾರತ ತಂಡವನ್ನು 2024 ರ T20 ವಿಶ್ವಕಪ್ ಚಾಂಪಿಯನ್ ಪಟ್ಟಕ್ಕೇರಿಸಿದ್ದರು ಹಾಗೂ 2023 ರ ಏಕದಿನ ವಿಶ್ವಕಪ್ ಫೈನಲ್‌ಗೆ ಕೊಂಡೊಯ್ದಿದ್ದರು.

2. ಚೊಚ್ಚಲ ಜಪಾನ್ ಓಪನ್ ಪ್ರಶಸ್ತಿ ಮುಡಿಗೇರಿಸಿಕೊಂಡ ಪಿ.ವಿ. ಸಿಂಧು

ಇದೀಗ ಸುದ್ದಿಯಲ್ಲಿ:

• ಟೋಕಿಯೊದಲ್ಲಿ ನಡೆದ ಜಪಾನ್ ಓಪನ್ 2026 ರ ಮಹಿಳಾ ಸಿಂಗಲ್ಸ್ ಬ್ಯಾಡ್ಮಿಂಟನ್ ಫೈನಲ್ ಪಂದ್ಯದಲ್ಲಿ, ಎರಡು ಬಾರಿಯ ಒಲಿಂಪಿಕ್ ಪದಕ ವಿಜೇತೆ ಪಿ.ವಿ. ಸಿಂಧು ಅವರು ಹಾಲಿ ವಿಶ್ವ ಚಾಂಪಿಯನ್ ಜಪಾನ್‌ನ ಅಕಾನೆ ಯಮಗುಚಿ ಅವರನ್ನು 21-17, 21-17 ಅಂಕಗಳಿಂದ ಮಣಿಸಿ ಚಾಂಪಿಯನ್ ಪಟ್ಟವನ್ನು ಅಲಂಕರಿಸಿದ್ದಾರೆ.

ಪ್ರಮುಖ ಅಂಶಗಳು:

• ಮೊದಲ ಭಾರತೀಯ ಚಾಂಪಿಯನ್: ಪ್ರತಿಷ್ಠಿತ ಜಪಾನ್ ಓಪನ್ ಪ್ರಶಸ್ತಿಯನ್ನು ಗೆದ್ದ ಮೊಟ್ಟಮೊದಲ ಭಾರತೀಯ ಶಟ್ಲರ್ ಎಂಬ ಹೆಗ್ಗಳಿಕೆಗೆ ಪಿ.ವಿ. ಸಿಂಧು ಪಾತ್ರರಾಗಿದ್ದಾರೆ.
• ಚೊಚ್ಚಲ ಸೂಪರ್ 750 ಕಿರೀಟ: ತಮ್ಮ ವೃತ್ತಿಜೀವನದ ಮೊದಲ BWF ಸೂಪರ್ 750 ಪ್ರಶಸ್ತಿಯನ್ನು ಗೆದ್ದುಕೊಂಡಿದ್ದಾರೆ ಮತ್ತು 2019 ರಲ್ಲಿ ಬಾಸೆಲ್‌ನಲ್ಲಿ ನಡೆದ ವಿಶ್ವ ಚಾಂಪಿಯನ್‌ಶಿಪ್ ಚಿನ್ನದ ಪದಕದ ನಂತರ ಇದು ಅವರ ಅತಿದೊಡ್ಡ ಸಾಧನೆಯಾಗಿದೆ.
• 2024 ರ ಸೈಯದ್ ಮೋದಿ ಅಂತರರಾಷ್ಟ್ರೀಯ ಟೂರ್ನಿಯಲ್ಲಿ BWF ವರ್ಲ್ಡ್ ಟೂರ್ ಪ್ರಶಸ್ತಿ ಗೆದ್ದಿದ್ದ ಸಿಂಧು, ಇದೀಗ ಎರಡು ವರ್ಷಗಳ ಸುದೀರ್ಘ ಪ್ರಶಸ್ತಿಯ ಬರವನ್ನು ಅಂತ್ಯಗೊಳಿಸಿದ್ದಾರೆ.

3. ಫಿಫಾ ವಿಶ್ವಕಪ್ 2026 : ಸ್ಪೇನ್‌ ಚಾಂಪಿಯನ್

ಇದೀಗ ಸುದ್ದಿಯಲ್ಲಿ:

• ನ್ಯೂಯಾರ್ಕ್/ನ್ಯೂಜೆರ್ಸಿಯ ಮೆಟ್‌ಲೈಫ್ ಸ್ಟೇಡಿಯಂನಲ್ಲಿ ನಡೆದ 2026 ರ ಫಿಫಾ ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ, ಬದಲಿ ಆಟಗಾರನಾಗಿ ಕಣಕ್ಕಿಳಿದ ಫೆರಾನ್ ಟೊರೆಸ್ 106ನೇ ನಿಮಿಷದಲ್ಲಿ ಬಾರಿಸಿದ ಏಕೈಕ ನಿರ್ಣಾಯಕ ಗೋಲಿನ ನೆರವಿನಿಂದ ಸ್ಪೇನ್ ತಂಡವು ಹಾಲಿ ಚಾಂಪಿಯನ್ ಅರ್ಜೆಂಟೀನಾ ತಂಡವನ್ನು 1-0 (ಹೆಚ್ಚುವರಿ ಸಮಯದ ನಂತರ) ಗೋಲುಗಳ ಅಂತರದಿಂದ ಮಣಿಸಿ ಚಾಂಪಿಯನ್ ಪಟ್ಟವನ್ನು ಮುಡಿಗೇರಿಸಿಕೊಂಡಿದೆ.

ಪ್ರಮುಖ ಅಂಶಗಳು:

• ಆತಿಥ್ಯ ಮತ್ತು ಸ್ವರೂಪ: ಇದು ಇತಿಹಾಸದಲ್ಲಿಯೇ ಮೊದಲ ಬಾರಿಗೆ 48 ತಂಡಗಳು ಭಾಗವಹಿಸಿದ ಪಂದ್ಯಾವಳಿಯಾಗಿದ್ದು, ಅಮೆರಿಕ (USA), ಕೆನಡಾ ಮತ್ತು ಮೆಕ್ಸಿಕೊ ಜಂಟಿಯಾಗಿ ಆತಿಥ್ಯ ವಹಿಸಿದ್ದವು.
• ಐತಿಹಾಸಿಕ ಪ್ರಾಬಲ್ಯ: 2010 ರ ನಂತರ ಇದು ಸ್ಪೇನ್‌ನ 2ನೇ ವಿಶ್ವಕಪ್ ಕಿರೀಟವಾಗಿದೆ. ಅವರು ಆಡಿದ 8 ಪಂದ್ಯಗಳಲ್ಲಿ ಕೇವಲ 1 ಗೋಲನ್ನು ಮಾತ್ರ ಬಿಟ್ಟುಕೊಡುವ ಮೂಲಕ ಪಂದ್ಯಾವಳಿಯ ದಾಖಲೆಯನ್ನು ನಿರ್ಮಿಸಿದ್ದಾರೆ ಮತ್ತು 38 ಪಂದ್ಯಗಳ ಸೋಲಿಲ್ಲದ ಐರೋಪ್ಯ ದಾಖಲೆಯನ್ನು ಮುಂದುವರೆಸಿದ್ದಾರೆ. ಪುರುಷರ ವಿಶ್ವಕಪ್, ಯುರೋ 2024 ಮತ್ತು ಮಹಿಳಾ ವಿಶ್ವಕಪ್ (2023) ಮೂರೂ ಪ್ರಶಸ್ತಿಗಳನ್ನು ಏಕಕಾಲದಲ್ಲಿ ಹೊಂದಿರುವ ಏಕೈಕ ಐರೋಪ್ಯ ರಾಷ್ಟ್ರ ಎಂಬ ಹೆಗ್ಗಳಿಕೆಗೂ ಸ್ಪೇನ್ ಪಾತ್ರವಾಗಿದೆ.
• ಸಾರ್ವಕಾಲಿಕ ಸ್ಕೋರರ್ ಮೈಲಿಗಲ್ಲು: ಫ್ರಾನ್ಸ್‌ನ ಕೈಲಿಯನ್ ಎಂಬಾಪೆ ಅವರು ಸತತ ಎರಡು ಬಾರಿ ‘ಗೋಲ್ಡನ್ ಬೂಟ್’ ಗೆದ್ದ ಇತಿಹಾಸದ ಮೊದಲ ಆಟಗಾರ ಎಂಬ ಸಾಧನೆ ಮಾಡಿದ್ದಾರೆ. ತಮ್ಮ ವೃತ್ತಿಜೀವನದಲ್ಲಿ ಒಟ್ಟು 22 ಗೋಲುಗಳನ್ನು ಬಾರಿಸುವ ಮೂಲಕ ಪುರುಷರ ವಿಶ್ವಕಪ್ ಇತಿಹಾಸದಲ್ಲಿ ಸಾರ್ವಕಾಲಿಕ ಅತಿ ಹೆಚ್ಚು ಗೋಲು ಗಳಿಸಿದ ಆಟಗಾರ ಎಂಬ ತಮ್ಮದೇ ದಾಖಲೆಯನ್ನು ಮತ್ತಷ್ಟು ಉತ್ತಮಪಡಿಸಿಕೊಂಡಿದ್ದಾರೆ.

ಫಿಫಾ ವಿಶ್ವಕಪ್: 2026 ಮತ್ತು 2022 ಆವೃತ್ತಿಯ ಚಾಂಪಿಯನ್‌ಗಳು ಹಾಗೂ ಪ್ರಶಸ್ತಿ ವಿಜೇತರ ವಿವರ

Miscellaneous

Uttarakhand Celebrates Traditional Harela Festival

Why in News: The traditional folk festival Harela was celebrated across Uttarakhand (predominantly in the Kumaon region) on the first day of Shravan (Kark Sankranti) to mark the onset of the monsoon.

Key Highlights: 

• Meaning & Rituals:- Translates to “Greenery”. Seeds of multiple grains are sown indoors days prior, and the young green shoots (Harela) are harvested and offered to deities to bless the new agricultural sowing cycle. 
• Mythological Significance:- Culturally commemorates the divine wedding of Lord Shiva and Goddess Parvati, blending Shaivite devotion with nature worship. 
• Environmental Push:- The Government of Uttarakhand actively utilizes the occasion to drive state-wide tree plantation and afforestation campaigns (Harela Parva).