ಕ್ರೀಡೆ
ವಿಂಬಲ್ಡನ್ ಚಾಂಪಿಯನ್ಶಿಪ್ 2026
ಇದೀಗ ಸುದ್ದಿಯಲ್ಲಿ:
- ಲಂಡನ್ನ ಐತಿಹಾಸಿಕ ‘ಆಲ್ ಇಂಗ್ಲೆಂಡ್ ಲಾನ್ ಟೆನಿಸ್ ಅಂಡ್ ಕ್ರೋಕೆಟ್ ಕ್ಲಬ್’ನಲ್ಲಿ ಪ್ರತಿಷ್ಠಿತ ವಿಂಬಲ್ಡನ್ ಚಾಂಪಿಯನ್ಶಿಪ್ನ 138ನೇ ಆವೃತ್ತಿಯು ಯಶಸ್ವಿಯಾಗಿ ಮುಕ್ತಾಯಗೊಂಡಿದೆ.
ಪ್ರಮುಖ ಅಂಶಗಳು:
- ಐತಿಹಾಸಿಕ ಹಿನ್ನೆಲೆ: 1877ರಲ್ಲಿ ಪ್ರಾರಂಭವಾದ ವಿಂಬಲ್ಡನ್ ವಿಶ್ವದ ಅತ್ಯಂತ ಹಳೆಯ ಟೆನಿಸ್ ಪಂದ್ಯಾವಳಿಯಾಗಿದ್ದು, ನಾಲ್ಕು ಗ್ರ್ಯಾಂಡ್ ಸ್ಲಾಮ್ ಪಂದ್ಯಾವಳಿಗಳಲ್ಲಿ ನೈಸರ್ಗಿಕ ಹುಲ್ಲಿನ ಅಂಕಣದಲ್ಲಿ ನಡೆಯುವ ಏಕೈಕ ಟೂರ್ನಿಯಾಗಿದೆ.
- ಸ್ವಿಟ್ಜರ್ಲೆಂಡ್ನ ರೋಜರ್ ಫೆಡರರ್ ಅವರು 8 ಪ್ರಶಸ್ತಿಗಳೊಂದಿಗೆ ಅತಿ ಹೆಚ್ಚು ವಿಂಬಲ್ಡನ್ ಪುರುಷರ ಸಿಂಗಲ್ಸ್ ಗೆದ್ದ ದಾಖಲೆಯನ್ನು ಹೊಂದಿದ್ದಾರೆ. ನೊವಾಕ್ ಜೊಕೊವಿಕ್ ಮತ್ತು ಪೀಟ್ ಸಾಂಪ್ರಾಸ್ ತಲಾ 7 ಪ್ರಶಸ್ತಿಗಳನ್ನು ಗೆಲ್ಲುವ ಮೂಲಕ ನಂತರದ ಸ್ಥಾನಗಳನ್ನು ಹಂಚಿಕೊಂಡಿದ್ದಾರೆ.
ವಿಂಬಲ್ಡನ್ ಚಾಂಪಿಯನ್ಶಿಪ್ 2026: ವಿಜೇತರ ಪಟ್ಟಿ
|
ವಿಭಾಗ |
ವಿಜೇತ(ರು) |
ರಾಷ್ಟ್ರ |
|
ಪುರುಷರ ಸಿಂಗಲ್ಸ್ |
ಜನ್ನಿಕ್ ಸಿನ್ನರ್ |
ಇಟಲಿ |
|
ಮಹಿಳೆಯರ ಸಿಂಗಲ್ಸ್ |
ಲಿಂಡಾ ನೋಸ್ಕೋವಾ |
ಜೆಕ್ ಗಣರಾಜ್ಯ |
|
ಪುರುಷರ ಡಬಲ್ಸ್ |
ಹ್ಯಾರಿ ಹೆಲಿಯೊವಾರಾ & ಹೆನ್ರಿ ಪ್ಯಾಟನ್ |
ಫಿನ್ಲ್ಯಾಂಡ್ / ಗ್ರೇಟ್ ಬ್ರಿಟನ್ |
|
ಮಹಿಳೆಯರ ಡಬಲ್ಸ್ |
ಗುಹೊ ಹನ್ಯು & ಕ್ರಿಸ್ಟಿನಾ ಮ್ಲಾಡೆನೋವಿಕ್ |
ಚೀನಾ / ಫ್ರಾನ್ಸ್ |
|
ಮಿಶ್ರ ಡಬಲ್ಸ್ |
ಮಾರ್ಸೆಲೋ ಅರೆವಾಲೋ & ಜೆಲೆನಾ ಓಸ್ಟಾಪೆಂಕೊ |
ಎಲ್ ಸಾಲ್ವಡಾರ್ / ಲಾಟ್ವಿಯಾ |
ವಿಜ್ಞಾನ ಮತ್ತು ತಂತ್ರಜ್ಞಾನ
ಗಗನಯಾನ ಮಿಷನ್ನ ಮೂರು ನಿರ್ಣಾಯಕ ವ್ಯವಸ್ಥೆಗಳನ್ನು ಯಶಸ್ವಿಯಾಗಿ ಪರೀಕ್ಷಿಸಿದ ಇಸ್ರೋ
ಇದೀಗ ಸುದ್ದಿಯಲ್ಲಿ:
- ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ISRO) ಭಾರತದ ಮಹತ್ವಾಕಾಂಕ್ಷೆಯ ‘ಗಗನಯಾನ’ ಮಾನವ ಸಹಿತ ಬಾಹ್ಯಾಕಾಶ ನೌಕೆ ಯೋಜನೆಯ ಮೂರು ಪ್ರಮುಖ ಉಪ-ವ್ಯವಸ್ಥೆಗಳ ಅರ್ಹತಾ ಪರೀಕ್ಷೆಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದೆ.
ಪ್ರಮುಖ ಅಂಶಗಳು:
- ಕ್ರ್ಯೂ ಮಾಡ್ಯೂಲ್ ಅಪ್-ರೈಟಿಂಗ್ ಸಿಸ್ಟಮ್ (CMUS): ಗಗನಯಾತ್ರಿಗಳನ್ನು ಸುರಕ್ಷಿತವಾಗಿಡಲು, ಬಾಹ್ಯಾಕಾಶ ನೌಕೆಯು ಸಮುದ್ರಕ್ಕೆ ಇಳಿದ ತಕ್ಷಣ ಗಗನಯಾತ್ರಿಗಳ ಕ್ಯಾಪ್ಸುಲ್ ಸ್ವಯಂಚಾಲಿತವಾಗಿ ಸ್ಥಿರವಾದ ನೇರ ಸ್ಥಿತಿಗೆ ಬರುವುದನ್ನು ಖಚಿತಪಡಿಸಿಕೊಳ್ಳುವ ‘ಫ್ಲೋಟ್ ಇನ್ಫ್ಲೇಷನ್ ಮೆಕ್ಯಾನಿಸಂ’ ಅನ್ನು ಪರೀಕ್ಷಿಸಲಾಯಿತು.
- ಮಾಡ್ಯೂಲ್ ಡಿಸ್ಕನೆಕ್ಟ್ ಸಿಸ್ಟಮ್ (CS-CDS): ನೌಕೆಯು ಭೂಮಿಯ ವಾತಾವರಣವನ್ನು ಮರುಪ್ರವೇಶಿಸುವ ಮುನ್ನ, ಗಗನಯಾತ್ರಿಗಳ ಮಾಡ್ಯೂಲ್ ಅನ್ನು ಸರ್ವಿಸ್ ಮಾಡ್ಯೂಲ್ನಿಂದ ಬೇರ್ಪಡಿಸುವ ಸಂಕೀರ್ಣ ವ್ಯವಸ್ಥೆಯನ್ನು ಯಶಸ್ವಿಯಾಗಿ ಪರಿಶೀಲಿಸಲಾಯಿತು.
- ಅಪೆಕ್ಸ್ ಕವರ್ ಸೆಪರೇಶನ್ (Apex Cover Separation): ನೌಕೆಯು ಭೂಮಿಗೆ ಇಳಿಯುವಾಗ ಪ್ಯಾರಾಚೂಟ್ಗಳನ್ನು ಹೊರಹಾಕಲು ಅನುಕೂಲವಾಗುವಂತೆ, ಅಪೆಕ್ಸ್ ಕವರ್ ಅನ್ನು ಬೇರ್ಪಡಿಸುವ ಸಂದರ್ಭದಲ್ಲಿ ಉಂಟಾಗುವ ಭಾರೀ ಒತ್ತಡವನ್ನು ಮಾಡ್ಯೂಲ್ ಸಮರ್ಥವಾಗಿ ತಡೆದುಕೊಳ್ಳುವುದೇ ಎಂಬುದನ್ನು ಪರೀಕ್ಷಿಸಲಾಯಿತು.
ಗಗನಯಾನ ಯೋಜನೆಯ ಹಿನ್ನೆಲೆ:
- ಗಗನಯಾನವು ಭಾರತದ ಮೊದಲ ಮಾನವ ಸಹಿತ ಬಾಹ್ಯಾಕಾಶ ಯೋಜನೆಯಾಗಿದೆ. ಈ ಮಿಷನ್ ಮೂಲಕ 2 ರಿಂದ 3 ಗಗನಯಾತ್ರಿಗಳನ್ನು 400 ಕಿ.ಮೀ ಕೆಳ ಭೂಮಿಯ ಕಕ್ಷೆಗೆ (LEO) ಕಳುಹಿಸಿ, 3 ದಿನಗಳ ನಂತರ ಅವರನ್ನು ಸುರಕ್ಷಿತವಾಗಿ ಭಾರತೀಯ ಸಮುದ್ರ ತೀರಕ್ಕೆ ಮರಳಿ ಕರೆತರುವ ಗುರಿಯನ್ನು ಇಸ್ರೋ ಹೊಂದಿದೆ. ಇದನ್ನು ‘ಹ್ಯೂಮನ್-ರೇಟೆಡ್ LVM3’ (HLVM3) ಉಡಾವಣಾ ವಾಹಕದ ಮೂಲಕ ಉಡಾವಣೆ ಮಾಡಲಾಗುತ್ತದೆ.
ನಿಮ್ಮದೊಂದು ಉತ್ತರ