ಮರುಭೂಮೀಕರಣದ ಮೇಲಿನ ಜಿ-7 ಘೋಷಣೆ

ಪರಿಸರ

ಇತ್ತೀಚೆಗೆ ಸುದ್ದಿಯಲ್ಲಿದೆ:

ಇತ್ತೀಚೆಗೆ, ‘ಜಿ-7 ಪರಿಸರ ಮಂತ್ರಿಗಳು’ ಮರುಭೂಮೀಕರಣ, ಭೂ ಸವಕಳಿ ಮತ್ತು ಬರಗಾಲವನ್ನು ತಮ್ಮ ಕಾರ್ಯಸೂಚಿಯ ಪ್ರಮುಖ ವಿಷಯಗಳನ್ನಾಗಿರಿಸಿದ್ದಾರೆ ಮತ್ತು ಈ ಪರಿಸ್ಥಿತಿಗಳನ್ನು ‘ವ್ಯವಸ್ಥಿತ ಜಾಗತಿಕ ಸವಾಲುಗಳು’ ಹಾಗೂ ‘ಭದ್ರತಾ ಅಪಾಯವನ್ನು ಹೆಚ್ಚಿಸುವ ಅಂಶಗಳು’ ಎಂದು ಕರೆದಿದ್ದಾರೆ.

ಜಿ-7 ಘೋಷಣೆಯ ಪ್ರಮುಖ ಅಂಶಗಳು:

ಬಿಕ್ಕಟ್ಟಿನ ಪ್ರಮಾಣ: ಮರುಭೂಮೀಕರಣ, ಭೂ ಸವಕಳಿ ಮತ್ತು ಬರಗಾಲವು ಮಣ್ಣಿನ ಫಲವತ್ತತೆಯ ಕುಸಿತ, ನೀರಿನ ಕೊರತೆ ಮತ್ತು ಪರಿಸರ ವ್ಯವಸ್ಥೆಯ ಸೇವೆಗಳ ನಷ್ಟಕ್ಕೆ ಕಾರಣವಾಗುತ್ತದೆ.
ಇದು ವಿಶೇಷವಾಗಿ ಕೃಷಿ ಆಧಾರಿತ ಆರ್ಥಿಕತೆಗಳಲ್ಲಿ ಆಹಾರ ಭದ್ರತೆ ಮತ್ತು ಜೀವನೋಪಾಯಗಳಿಗೆ ನೇರ ಅಪಾಯವನ್ನು ಒಡ್ಡುತ್ತದೆ.
ಜಾಗತಿಕವಾಗಿ ಶೇಕಡಾ 40% ರಷ್ಟು ಭೂಮಿಯು ಅವನತಿಗೊಳಗಾಗಿದ್ದು, ಇದು ಸುಮಾರು 3.2 ಬಿಲಿಯನ್ ಜನರ ಮೇಲೆ ಪರಿಣಾಮ ಬೀರುತ್ತಿದೆ.

ಮರುಭೂಮೀಕರಣವನ್ನು ತಡೆಗಟ್ಟುಲು ವಿಶ್ವಸಂಸ್ಥೆಯ ಒಪ್ಪಂದ (UNCCD):

UNCCD ವಿಸ್ತೃತ ರೂಪ: ಯುನೈಟೆಡ್ ನೇಷನ್ಸ್ ಕನ್ವೆನ್ಷನ್ ಟು ಕಂಬ್ಯಾಟ್ ಡಿಸೇರ್ಟಿಫಿಕೇಶನ್ (United Nations Convention to combat Desertification).
ಸ್ಥಾಪನೆ: 1994 ರಲ್ಲಿ.
ಉದ್ದೇಶ: ಮರುಭೂಮೀಕರಣವನ್ನು ತಡೆಗಟ್ಟುವುದು ಇದರ ಪ್ರಮುಖ ಉದ್ದೇಶವಾಗಿದೆ. ಇದು ಪರಿಸರ ಸಂರಕ್ಷಣೆ ಮತ್ತು ಸುಸ್ಥಿರ ಭೂ ನಿರ್ವಹಣೆಯನ್ನು ಬೆಸೆಯುವ ಏಕೈಕ ಕಾನೂನುಬದ್ಧ ಅಂತರರಾಷ್ಟ್ರೀಯ ಒಪ್ಪಂದವಾಗಿದೆ.
ಮಹತ್ವ: ಭೂಮಿ ಮತ್ತು ಮಣ್ಣಿನ ಉತ್ಪಾದಕ ಸಾಮರ್ಥ್ಯವನ್ನು ಕಾಯ್ದುಕೊಳ್ಳುವುದು ಹಾಗೂ ಅದನ್ನು ವ್ಯವಸ್ಥಿತವಾಗಿ ಮರುಸ್ಥಾಪಿಸುವುದು.
ವಿಶ್ವ ದಿನಾಚರಣೆ: ಪ್ರತಿ ವರ್ಷ ಜೂನ್ 17 ರಂದು ‘ಮರುಭೂಮೀಕರಣ ಮತ್ತು ಬರಗಾಲ ತಡೆಗಟ್ಟುಲು ವಿಶ್ವ ದಿನ’ವನ್ನಾಗಿ (WDCDD) ಜಾಗತಿಕವಾಗಿ ಆಚರಿಸಲಾಗುತ್ತದೆ.
UNCCD COP16, 2024: ಈ ಪಕ್ಷಗಳ ಸಮ್ಮೇಳನವು ಸೌದಿ ಅರೇಬಿಯಾದ ರಿಯಾದ್ ನಲ್ಲಿ ಜರುಗಿತು. ಈ ಸಮ್ಮೇಳನದಲ್ಲಿ ಜಾಗತಿಕ ಭೂ ಮರುಸ್ಥಾಪನೆಗಾಗಿ $12 ಬಿಲಿಯನ್ ಮೊತ್ತವನ್ನು ವಾಗ್ದಾನ ಮಾಡಲಾಗಿದೆ.
- ಭಾರತದ ಹೆಜ್ಜೆ: ಇದೇ ಜಾಗತಿಕ ಸಮಾವೇಶದಲ್ಲಿ ಭಾರತವು ತನ್ನ ಮಹತ್ವಾಕಾಂಕ್ಷೆಯ ‘ಅರಾವಳಿ ಹಸಿರು ಗೋಡೆ ಯೋಜನೆ’ (Aravalli Green Wall Project)ಯನ್ನು ಪರಿಚಯಿಸಿತು.
UNCCD COP17: ಮುಂದಿನ ಸಮ್ಮೇಳನವು ಆಗಸ್ಟ್ 2026 ರಲ್ಲಿ ಮಂಗೋಲಿಯಾದ ‘ಉಲಾನ್‌ಬಾತರ್’ ನಗರದಲ್ಲಿ ನಡೆಯಲಿದೆ.
UNCCD COP17, 2026 ರ ಧ್ಯೇಯವಾಕ್ಯ: ‘ಭೂಮಿಯ ಮರುಸ್ಥಾಪನೆ, ಭರವಸೆಯ ಮರುಸ್ಥಾಪನೆ’ (Restoring Land, Restoring Hope).

ಭೂ ಮರುಸ್ಥಾಪನೆಗೆ ಇರುವ ಇತರೆ ಸಾಂಸ್ಥಿಕ ಕಾರ್ಯವಿಧಾನಗಳು:

ಬಾನ್ ಚಾಲೆಂಜ್ (Bonn Challenge), 2011: ಇದು 2030 ರ ವೇಳೆಗೆ ಜಗತ್ತಿನಾದ್ಯಂತ 350 ದಶಲಕ್ಷ ಹೆಕ್ಟೇರ್ ಭೂಮಿಯನ್ನು ಮರುಸ್ಥಾಪಿಸುವ ಮಹತ್ವದ ಜಾಗತಿಕ ವಾಗ್ದಾನವಾಗಿದೆ.
ಕುನ್ಮಿಂಗ್-ಮಾಂಟ್ರಿಯಲ್ ಜಾಗತಿಕ ಜೀವವೈವಿಧ್ಯ ಚೌಕಟ್ಟು: ಇದರ ಅಡಿಯಲ್ಲಿ ಬರುವ ಗುರಿ 2 ಮತ್ತು ಗುರಿ 11 ನೇರವಾಗಿಯೇ ಭೂ ಮರುಸ್ಥಾಪನೆಯ ನಿಬಂಧನೆಗಳನ್ನು ಒಳಗೊಂಡಿವೆ.
ಪರಿಸರ ವ್ಯವಸ್ಥೆಯ ಮರುಸ್ಥಾಪನೆಯ ವಿಶ್ವಸಂಸ್ಥೆಯ ದಶಕ (2021–30): ಇದು ವಿಶ್ವಸಂಸ್ಥೆಯ ಪರಿಸರ ಕಾರ್ಯಕ್ರಮ (UNEP) ಮತ್ತು ಆಹಾರ ಮತ್ತು ಕೃಷಿ ಸಂಸ್ಥೆಯ (FAO) ಜಂಟಿ ಉಪಕ್ರಮವಾಗಿದೆ.
G20 ಜಾಗತಿಕ ಭೂ ಉಪಕ್ರಮ: 2040 ರ ವೇಳೆಗೆ ಅವನತಿಗೊಳಗಾದ ಭೂಮಿಯನ್ನು 50% ರಷ್ಟು ತಗ್ಗಿಸುವ ಭಾರತದ G20 ಅಧ್ಯಕ್ಷತೆಯ (2022) ಗುರಿಗೆ ಇದು ಪೂರಕವಾಗಿ ಹೊಂದಿಕೆಯಾಗುತ್ತದೆ.

ವಿಶ್ವ ಟ್ಯಾಪಿರ್ ದಿನ (World Tapir Day)

ಪರಿಸರ

ಇತ್ತೀಚೆಗೆ ಸುದ್ದಿಯಲ್ಲಿದೆ:

ಇತ್ತೀಚೆಗೆ, ಟ್ಯಾಪಿರ್ (Tapir) ಪ್ರಾಣಿಗಳ ಬಗ್ಗೆ ಜಾಗೃತಿ ಮೂಡಿಸಲು ಜಾಗತಿಕವಾಗಿ ವಿಶ್ವ ಟ್ಯಾಪಿರ್ ದಿನವನ್ನು ಆಚರಿಸಲಾಯಿತು.

ಟ್ಯಾಪಿರ್‌ ಪ್ರಾಣಿಗಳ ಕುರಿತು:

ಟ್ಯಾಪಿರ್‌ಗಳು ದೊಡ್ಡ ಗಾತ್ರದ ಸಸ್ಯಹಾರಿ ಸಸ್ತನಿಗಳಾಗಿವೆ.
ಹಂಚಿಕೆ: ಇವು ದಕ್ಷಿಣ ಅಮೆರಿಕಾ, ಮಧ್ಯ ಅಮೆರಿಕಾ ಮತ್ತು ಆಗ್ನೇಯ ಏಷ್ಯಾದ ಕಾಡುಗಳು ಮತ್ತು ದಟ್ಟ ಅರಣ್ಯ ಪ್ರದೇಶಗಳಲ್ಲಿ ವಾಸಿಸುತ್ತವೆ.
ಬೀಜಗಳನ್ನು ಪ್ರಸರಣ ಮಾಡುವ ಮೂಲಕ (seed dispersers) ಇವು ಪರಿಸರ ವ್ಯವಸ್ಥೆಯ ಪ್ರಮುಖ ಭಾಗವಾಗಿವೆ ಮತ್ತು ಪ್ರಾಣಿ ಸಾಮ್ರಾಜ್ಯದಲ್ಲಿ ಉಳಿದುಕೊಂಡಿರುವ ಅತ್ಯಂತ ಹಳೆಯ ಪ್ರಭೇದಗಳಲ್ಲಿ ಒಂದಾಗಿವೆ.
ಅಪಾಯಗಳು: ಆವಾಸಸ್ಥಾನದ ನಷ್ಟ, ಬೇಟೆ ಮತ್ತು ಮಾನವನ ಅತಿಕ್ರಮಣವು ಇವುಗಳು ಎದುರಿಸುತ್ತಿರುವ ಪ್ರಮುಖ ಅಪಾಯಗಳಾಗಿವೆ.

ಇದರ ಇತರೆ ಪ್ರಭೇದಗಳು ಮತ್ತು IUCN ಕೆಂಪು ಪಟ್ಟಿಯಲ್ಲಿ ಇವುಗಳ ಸ್ಥಾನಮಾನ:

ತಗ್ಗು ಪ್ರದೇಶದ (ಲೋಲ್ಯಾಂಡ್) ಟ್ಯಾಪಿರ್ (Tapirus terrestris): ದುರ್ಬಲ (Vu).
ಪರ್ವತ ಪ್ರದೇಶದ (ಮೌಂಟೇನ್) ಟ್ಯಾಪಿರ್ (Tapirus pinchaque): ಅಳಿವಿನಂಚಿನಲ್ಲಿರುವ ಪ್ರಭೇದ (En).
ಮಲಯ ಪ್ರದೇಶದ ಟ್ಯಾಪಿರ್ (Tapirus indicus): ಅಳಿವಿನಂಚಿನಲ್ಲಿರುವ ಪ್ರಭೇದ (En).
ಬೇರ್ಡ್ಸ್ ಟ್ಯಾಪಿರ್ (Tapirus bairdii): ಅಳಿವಿನಂಚಿನಲ್ಲಿರುವ ಪ್ರಭೇದ (En).